حكايه الــ 3 بنات اللى راحوا المسجد…..وطرودا منه ولكن حدث ما لا تتوقعه

دى. حكايه الــ 3 بنات اللى راحوا المسجد….. قصة واقعية ترويها احدى المصليات بالمسجد

تعالوا أحكلكم على الحكايه من أولها علشان نعرف إن ربنا لما بيحب عبده بيسر له طريق الهدايه

فى مره كنت بصلى فى مسجد صلاه التراويح فى ليله من ليالى رمضان الجميله

(اللهم بلغنا رمضان):يارب::يارب:

وأختكم بقى متعوده فى رمضان تروح تصلى فى مسجد معين لأن الإمام بيجعل قلوبنا تخشع وتطوف فى روضه القرءان

 وفى اليوم ده كنا منتظرين صلاه العشاء والتراويح

وكنا جالسيين فى المسجد إللى بتذكر ربنا واللى بتصلى وإللى بتقرأ قرءان وكنا عايشيين جو إيمانى جميل

 وشويه وألمح من بعيد 3 بنات خريجات جامعه واقفين على باب المصلى لابسيين بنطلونات جينس ضيقه جدا عليها

بلوزات داخل البنطلون مخضوضةوشكلهم أولاد ذوات ذى ما بيقولوا وكان على كتف كل واحده

 عبايه سودا لزوم الصلاه

أما عن رائحه البرفان فحدث ولا حرج

كانت فجه جدا وعبأت المسجد كله لاااااا دى وصلت للسما كمانمستغربة

دخلوا المسجد وممكن تكون دى المره الأولى ليهم وكانوا بيدوروا على مكان يجلسوا فيه لكن للأسف مفيش مكان

وفى الوقت ده كان معظم اللى فى المسجد إتشد إنتباه للـ3 بنات دول وإبتدى الهمز واللمز وعيونهم كانت

بتطردهم من المسجد من غير ما لسانهم ينطق غضبانة جداوكأن البنات دول هبطوا علينا من كوكب أخر

طبعا هما إتكسفوا وإتحرجوا محرجةونزلوا على طول لانهم أصلا كانوا مستغربيين المسجد والمكان

حبيت أجرى عليهم وأرجعهم تانى وأدور لهم على مكان لعل وعسى اكون سبب فى هدايتهم لكن للأسف المسافه كانت

بينى وبينهم بعيده

وهما على طول نزلوا على السلم جرى من كتر الكسوفمحرجة

ورجعت كل واحده فى المسجد للعمل اللى كانت بتعمله

كأن شيئا لم يكن

وانا قلت فى نفسى يا خساااارهصعبان عليه

طب هو إحنا عملنا معاهم كده ليه؟؟

ليه إحتكرنا المسجد لنا لوحدنا وإحنا بس اللى ممكن نعبد ربنا وحد تانى غيرنا لأ

ليه بندعى ربنا إنه يرحمنا ويغفر لنا وإحنا مع غيرنا لا بنرحمه ولا بنسامحه

والله إحنا حنسأل على ال3 بنات دول يمكن لو كنا كلنا قدمنا لهم أيدينا وخلناهم يصلوا معانا

لعلها كانت دمعه واحده منهم تغسل قلوبهم وتشرح صدورهمزعلانة و باعيط

كيف لا ااا

وأن العاصى إذا رفع يده ودعا ربه يرد الله عليه لبيك لبيك لبيك

ومر على الموضوع ده حوالى سنتيين وصوره بنت منهم مش عاوزه تروح من ذهنى أبدا وكنت كل ما أفتكرهم بشعر

بتأنيب الضمير وتقصيرى مع الـ3 بنات دول مش ح اتكلم خالص

لحد ما يوم دخلت المسجد علشان أصلى ولقيت فيه أخت منتقبه بتلقى درس لمجموعه من البنات الصبايا والدرس

كان عن التوبه والإستغفار

بصراحه أسلوبها كان رائع وشيق فشدنى كلامها

واللى شدنى أكترفيها إنى حسيت إنى شفتها قبل كده

فين؟؟؟

مش فاكره!!ياه!

لحد ما سمعتها بتحكى على أول مره دخلت فيها المسجد ده وإزاى إنها أول ما دخلت نزلت منه على طول

وإنها كانت قبل الإلتزام بنت عاديه عايشه حياتها بالطول والعرض

لحد ما ربنا أنعم عليها بأنوار الهدايا

وكيف أنها تذوقت حلاوه الإيمان والقرب من الله

يااااااااااااااااااااه

إنتى أصبحتى داعيه إلى الله سعيدة قوي

سبحان الله

يعنى ممكن واحده تتأخر فى الإلتزام ولكن إذا إلتزمت سبقت الجميع بإلتزامها

بل ويجعلها الله سبب لهدايه الأخريات

قال الله تعالى :

بسم الله الرحمن الرحيم

(قل يا عبادى الذين أسرفوا على أنفسهم لا تقنطوا من رحمه الله إن الله يغفر الذنوب جميعا إنه هو الغفور الرحيم)

أحبكم جميعا فى الله